१३ पानी भारतीय रमी खेळण्याचे नियम

रमी पत्त्यांच्या उपलब्ध प्रकारांमध्ये रमी हा सर्वात लोकप्रिय पत्त्यांचा प्रकार आहे. रमीच्या बाकी उपलब्ध प्रकारांमध्ये १३ पानी रमी भारतात सर्वात जास्त प्रमाणात खेळली जाते. रमीच्या प्रत्येक डावाचा मूळ उद्देश हातातील पानांचा योग्य वापर करून नियमाप्रमाणे सिक्वेन्स बनवणे हा आहे.

साधारणतः भारतात रमी २ ते ६ जणांमध्ये खेळली जाते जिथे प्रत्येक खेळाडू हातातील १३ पत्त्यांचा रमीच्या नियमानुसार सिक्वेन्स जुळेपर्यंत आपापल्या पाळीनुसार ठेवलेल्या कॅट मधून पत्ता उचलत आणि टाकत राहतो. या साईटवर तुम्हाला रमीचे ९ वेगवेगळे प्रकार खेळवयास मिळतील.

प्रत्येक पाळीच्या वेळी खेळाडू त्याच्या आधीच्या खेळाडूने टाकलेले किंवा समोर ठेवलेल्या बंद कॅट मधून पानं घेऊ शकतो आणि त्याला नको असेलेले पान टाकू शकतो आणि जर रमीच्या नियमानुसार त्याचे सर्व सिक्वेन्स जुळले असतील तर हातातील १४ वे पानं झाकून बाकी १३ पानांचे वैध सिक्वेन्स दाखवून जिंकू शकतो.

जर तुम्हाला वाटत असेल कि तुमच्या हातातील पाने चांगली नाहीत तर तुम्ही तुमचा डाव सोडू शकता. तुम्ही तुमचा डाव तेंव्हाच सोडू शकता जेंव्हा तुमची पाळी येईल आणि तुम्ही कुठलाही पत्ता उचललेला नसेल. काही पूल रमीचे प्रकार तुम्हाला अर्ध्यावर डाव सोडण्याची अनुमती देतात पण त्या वेळी दंडात्मक गुण हे तुम्ही खेळाच्या सुरवातीला कोठलेही पान उचलायच्या आधी सोडलेल्या डावपेक्षा जास्त असतात. तसेच तुम्ही बेस्ट ऑफ ३ आणि २ डील खेळाच्या प्रकारात तुमचा डाव तुम्ही सोडू शकत नाही.

एक पान जे बाकीच्या खेळाडूंना पाने वाटून झाल्या नंतर वेगळे काढून ठेवले जाते ते पान त्या डावापुरते जोकर पान मानले जाते. त्याच प्रकारची वेगळ्या रंगाची सर्व पाने त्या डावापुरती जोकर पाने मानली जातात. त्या व्यतिरिक्त जोकाराचे चिन्ह असलेली दोन ज्यादा पाने सुद्धा जोकर म्हणून वापरली जातात.

कुठल्याही प्रकारचा सिक्वेन्स पूर्ण करण्यासाठी जोकर पानाचा वापर केला जाऊ शकतो. एक सिक्वेन्स जोकर पानाशिवाय पूर्ण केल्यानंतरच बाकीच्या सिक्वेन्स साठी खेळाडू जोकर पानाचा उपयोग करू शकतो. जोकर पानाचा योग्य वापर कसा करावा हे तुम्ही ऑनलाईन बघू शकता.

जर जोकाराचे चिन्ह असलेलेच पान जोकर म्हणून आले तर एक्का (A) हे पान जोकर म्हणून ग्राह्य मानण्यात येते.

तुम्ही तेंव्हा जिंकता जेंव्हा तुम्ही शो म्हणून तुमची पाने योग्य सिक्वेन्स जमवून प्रतिस्पर्ध्यासमोर उघड करता. खेळाडू तेंव्हाच शो म्हणू शकतो जेंव्हा त्याच्या हातातील सर्व १३ पाने रमीच्या नियमानुसार योग्य सिक्वेन्स मध्ये असतील. शो करण्यासाठी खेळाडू कडे एकूण मिळून १४ पाने असावी लागतात. १४ वे पान जे असते ते पान झाकून खेळाडू शो म्हणू शकतो. शो म्हणाल्यानंतर खेळाडूला हातातील इतर १३ पाने रमीच्या नियमानुसार सिक्वेन्समध्ये लावून मगच इतर खेळाडूंसमोर पडताळणी साठी उघड करावी लागतात.

खेळाच्या वेळी जर तुमच्या कडे एक प्युअर सिक्वेन्स , दुसरा सिक्वेन्स जोकर सहित किंवा विरहित असेल आणि तिसऱ्या सिक्वेन्स मध्ये ट्रीपलेट बनवण्यासाठीची दोन पाने असतील तर तुम्ही जास्तीत जास्त २ जोकर वापरून ट्रीपलेट पूर्ण करू शकता कारण ट्रीपलेट प्रकारच्या सिक्वेन्स मध्ये जास्तीत जास्त चारच पाने असू शकतात. जर तुमच्या कडे एक ज्यादाचा जोकर रहात असेल तर तो जोकर वेगळा ठेवावा कारण ५ पानांचे ट्रीपलेट वैध मानले जात नाही.

जर तुमच्या कडे प्युअर सिक्वेन्स असेल जसे कि बदाम १०, गुलाम , राणी आणि राजा,

दुसरा सिक्वेन्स असेल इस्पीकचा एक्का, २, ३ , ४

आणि उरलेली पाने किल्वर १० चौकट १० आणि दोन चित्राचे जोकर आणि एक जोकर चिन्ह असलेला जोकर असतील तर या परिस्थितीमध्ये तुम्ही किल्वर १० झाकून पहिला प्युअर सिक्वेन्स :बदाम १०, गुलाम, राणी , राजा, दुसरा सिक्वेन्स : इस्पिक एक्का, २,३,४ आणि तिसरा सिक्वेन्स चौकट १० आणि दोन चित्र जोकर आणि जोकर चिन्ह असलेला जोकर वेगळा ठेवून शो दाखवू शकता. असा शो वैध मनाला जातो.

* १. चुकीच्या शो साठी मिळणारे जास्तीत जास्त दंडात्मक गुण : ८०

* २. आम्ही एकापेक्षा जास्त अकाउंट काढण्याची परवानगी देत नाही. एका खेळाडूसाठी फक्त एकच अकाउंट उघडण्याची परवानगी आहे.